POLITIKA

Partido Centro ASDT hakarak Aperfeisoamento Sistema Polítiku ne'ebe orienta ba:

​

1. Responsabilidade Polítika no Estabilidade. Ita hakarak Estabilidade laos objetivu ida mesak, nudar kondisaun fundamental bodik ezistensia Governu ne'ebe esstavel no ho responsabilidade politika.

2. Sistema Eleitoral. Partido Centro ASDT hakarak kondisaun ne'ebe garante pluralidade bodik reprezentasaun ba politika relevante iha ita nia rai, no konduzivu ba estabilidade no efetividade sistema polítika.

3. Partisipasaun Polítika no Kombate Burokrasia. Ba Partido Centro ASDT demokrasia tenki iha par ba dimensaun reprezentativa, no dimensaun importante ida maka dimensaun partisipativa, labele ses husi Lei eleisaun nian no kontributu ne'ebe sidadaun sira fo iha definisaun ba opsaun eskolhe politika. Reforma Administrasaun Publika okupa fatin sentral iha prosesu dezenvolvimentu no modernizasaun nasaun nian. Partido Centro ASDT hakarak:

• Administrasaun Públika hare'e ba prosekusaun interese públiku​ nian, ne'e mak respeitu ba interese lejitimu sidadaun no instituisaun legal sira nian.

• Administrasun Públika nia estrutura iha dalan ida atu sees husi burokratizasaun, hakbesik a'an ba populasaun no ho mentalidade servidor ba público no hases an husi hahalok hanesan bai'no. Programa prioritario nebe tenke realiza lalais mak formasaun intensiva ba rekurso umanu iha funsaun Públika tuir funsaun oioin ne'ebe iha no mos aselera lalais deskonsentrasaun no desentralizasaun atu bele delega autoridade Ministeriais. Ho formasaun ne'ebe intensiva no sistema de merito tuir eskalaun funsionalismo nian mak bele motiva no insentiva funsionarios publicos hodi sai ajente ne'ebe profisional tanba iha garantia ba sira nia futuru iha serviso.