JUSTIÇA
Partido Centro ASDT konsidera Justiça nudar rezultadu husi Foti Desizaun ne'ebe kontein lia los, la-afilia, bele hola responsabilidade, no trata kada pessoa proporsionalmente perante Lei no aspektu umanu.
Manifestasaun real husi Justiça bele hala'o iha kontestu moris sosiedade/komunidade iha estadu, no iha pratika moris komunidade internasional, hatudu husi ita nia hahalok ne'ebe diak la-halis ba sorin, no fo ba ema ne'ebe sai nia direitu.
UNIDADE
Desde inicio Centro ASDT consciente ona diversidade condições geográficas e culturais hanesan realidade ida iha Timor-Leste. Centro ASDT konsidera realidade ne'e hanesan riquez no kapital ida ba dezenvolvimentu nasional.
Reconhecimento ba realidade sire ne'e sei garante atu atinji objetivo nasional no fo benefisiu no hetan prosperidade nação nian.
Misaun husi Estado no partido ne'ebe mos Partido Centro ASDT defende mak tau hamutuk diversidade sira existe iha prosesu hothotu dezenvolvimentu nian atu alcança objetivo nasional.
SOLIDARIEDADE
Centro ASDT sempre iha sensu domin ba moris hamutuk ne'ebe manifesta ho asaun konkreta hanesan prontidaun ka disponibilidade atu halo sakrifisiu no desidiu atu assegura/salvaguarda, defende, ajuda no proteje moris hamutuk.
Iha contextu politica, solidariedade hanesan descrisaun ba relasaun sira ne'ebe kesi hamutuk iha sociedade laran tanba fiar ba valor sira hanesan. Solidariedade significa fahe assistencia no apoiu entre sira nebe forte ho fulnerável liu, sira ne'ebe rico ho sira kbiit laek, no sira katuas ho jovens sira.
Iha estados moderno, solidariedade hatudu iha knaar importante ka substansial tebes hanesan Partido Centro ASDT no estado nia obrigasaun atu halo hanesan programa sira fo assistensia ba desemprego, seguranca social, cuidados de sáude no educação basica ho kualidade aas ka diak ba sidadaun hothotu.
Iha interação global, Partido Centro ASDT tenke hatudu solidariedade ba nações iha problema humanitária ne'ebe rezulta husi conflitos politicos desastres naturais. Partido Centro ASDT iha posizaun ne'ebe firme, konsistente no obdese promesas, regras ou valor sira ne'ebe konkorda hamutuk.