Saida mak Centro ASDT?

Partido CENTRO AÇÃO SOCIAL-DEMOCRÁTA TIMORENSE (Centro ASDT) hari'i husi vontade povo nian, nebe sente no hakarak atu bele hetan representação ba sira nian aspiração no acesso ba atendimento ba sira nian moris. Povo aspira ba ambiente no sociedade nebe iha Unidade, iha Justiça Social no mos Solidariedade ba sira nian moris loron loron nian iha ambiente nebe livre no justo ba Timor Oan Hotu.

Hanoin hikas ba kotuk, valores sire ne'e mos nudar herança ka legado, nebe hori uluk kedas, ita nian heróis sira hanesan Saudoso Xavier do Amaral no Saudoso Nicolau Lobato no mos sira lubuk oan seluk, wainhira declara hakarak liberta Timor-Leste husi colonialismo no ocupação estrangeira atu fo moris diak ba Povo Timorense liu husi UKUN A'AN RASIK.

Atende ba aspiração no halerik ne'e, no tetu didiak ho responsabilidade tomak no husu benção ba Na'i Maromak, Matebian no os Rai Lulik Timor-Leste, mak grupu oan ida, nebe rona no mos solidária ba povo nian vontade, hola iniciativa atu canaliza liu husi hari'i partido ida, nebe bele lori valores Unidade, Justiça Social no Solidariedade, hodi actualiza nudar Centro ida nebe bele hala'o politica ativa ho ação concreta, atu bele lori moris diak ba Povo, nebe aspira ba valores sire ne'e.

Grupo iniciador mak belun nain 4; Gil da Costa Alves, Domingos da Costa, Alberto Carlos de Araujo, no Henrique Carlos.

​

​

​

​