EKONOMIA

Partido Centro ASDT hakarak hari'i ekonomia ida ne'ebe orienta ba: Estabilidade Económia, Plenu Empregu no Kresimentu Económia. Iha Delinesaun no ezekusaun PEDN no planu estratégiku no operasional setorial, ho proriedade ba setor Agricultura, Turismo, no Petrolio, vetor tolu iha leten sei orienta ba implementasaun ne'ebe gradual, maibe ekilibrada no harmonioza, ba programa dezenvolvimento, la prejudika ba valor SDT no ninia fundamentu ne'ebe konsagra ona iha Constituição da RDTL, hare ba konkretizasaun no objetivus komun Povo Timor nian.

Tuir folozofia politika SDT, Centro ASDT bazeia ba intervensaun ekonomika no sosial estado nian atu promove justiça social iha sistema ekonomia merkado no kapitalista ho mos politika ne'ebe atu hamosu estado de bem-estar social, regulasaun ekonomika ba interese jeral populasaun nian, hodi halo mos intervensaun konkreta atu promove equidade no igualdade iha oportunidade atu hetan moris diak no mos ho kompromisu ba demokrasia reprezentativa. Inklui mos iha ne'e estado regula ekonomia atu bele dezenvolve seitor privado Timor ninian hodi bele kria empregu no moris diak ba Timor oan tomak atu fo sentido ba independesia ne'ebe Timor oan hotu luta hodi hetan ho susar.

Ho orientasaun ida ne'e Centro ASDT konsidera estado nudar ajente aspektu social, politika, ekonomika ho parseira ho sosiedade civil no  seitor privado. Estado, nudar estado de bem-estar tenke garante servicos publicos no proteksaun ba populasaun.