top of page
Search

Tempu To'o Ona Atu Hamaran Povu Nia Matan-Been

Updated: Feb 4, 2022


Konselleira Aida Maria Osorio Soares no estrutura Nasionál simu husi komunidade suku Kamea liu husi dansa tradisionál.

DILI - Iha loron kinta-feira 30 Outubru 2021, Partidu Centro ASDT hala'o serimónia tomada dé pose ba nia membru foun sira iha suku Kamea, postu administrativu Cristo Rei, Dili. Eventu ne'e hetan partisipasaun husi Prezidente Konsellu Diretivu partidu nian, Sra. Aida Osorio Soares no estrutura nasionál ne'ebe komunidade simu ho kostume no kultura únika suku Kamea nian.

Iha okaziaun ne'e, Sra. Aida Osorio Soares espresa nia gratidaun ba komunidade suku nia vontade atu simu no luta hamutuk ho partidu Centro ASDT. No iha momentu ne'ebá, nia afirma fila-fali kompromisu husi partidu CASDT, ne'ebé hanesan plataforma ida ne'ebé fó duni biban ba jerasaun foun, mane no feto sira, atu hamriik no hahú fó kontribuisaun ne'ebé reál ba sustentabilidade país ne'e nian no ba ninia futuru.

Iha tempu ne'e hotu hanoin didiak katak tempu la'o daudaun no ema sira-nia nesesidade moris aumenta bebeik no dinámiku liu-tan, estrutura nasional Centro ASDT hato'o mós fali nia komitmentu atu realiza saudozu Francisco Xavier Do Amaral no saudozu Gil da Costa Alves nia mehi. Tanba tempu to'o ona para jerasaun foun para hamri'ik no mai hamutuk halo asaun hodi halakon povu ki'ik sira-nia matan-been no realiza justisa sosiál ba povu Timor-Leste tomak. #Kamea #CentroASDT #CASDT #AidaOsorioSoares #Dili





0 comments

Comments


bottom of page