top of page
Search

Partidu Centro ASDT Sempre Prepara An Ba 2022/2023

Updated: Feb 4, 2022


Komisariu Politiku CASDT Sr.Isac do Rosario simu karta husi CNE iha Lansamentu 15 Dezembru 2020.

SAME - Nu'udar partidu ida ne'ebé partisipa iha Lansamentu Resultado Base de Dados Resenseamentu Eleitoral Tinan 2020 ne'ebé CNE hala'o iha 15 Dezembru 2020, partidu Centro ASDT haruka Isac do Rosario nu'udar reprezentante partidu Centro ASDT. Ida ne'e hatudu katak partidu Centro ASDT sempre prontu no alerta iha preparasaun ba iha 2022 no mos ba tinan 2023.


Nune'e mós, partidu Centro ASDT hahú hala'o ona atividade atu hametin estrutura sira iha aldeia ba distritu hanesan tomada de posse iha Same, Manufahi ne'ebé mós hala'o iha fulan dezembru tinan 2020, ne'ebé konta ho partisipasaun husi membru partidu oin-oin, inklui prezidente interinu husi Centro ASDT. Respeita mós prinsípiu fundadór partidu ikus nian matebian Dr. Gil da Costa Alves katak hatudu, partidu Centro ASDT prontu atu hala'o no luta ba prinsípiu no filozofia polítika Social Democrata Timorense ne'ebé tanen a'as dignidade kada pessoa/umana.

bottom of page