top of page
Search

Partidu Centro ASDT La'o Ho Fuan, La'o Ho Domin, No Lia Loos

Updated: Feb 4, 2022


Koá fita hosi Konselleira Aida Maria Osorio Soares, ne'ebé hetan asiste no hare hosi komunidade suku Daralau.

DILI - Partidu Centro Acção Social Demokrata Timorense fo tomada dé pose ba membru foun atus haat partidu iha suco Darlau, postu administrativu Cristo Rei, Dili iha loron Sabdu, 2 Outobru 2021. Marka prezensa iha serimónia simu tomada dé pose ne’e maka Prezidente Konsellu Konsultivo CASDT Sra. Aida Maria Osorio Soares no Sekretáriu Jerál Sr. Gonçalo Meirelles hamutuk ho estrutura nasionál, ne'ebe komunidade simu ho kultura adat suco Darlau nian liu husi mordóres, tebe dai, dansa kultura no poezia. Iha tomada dé pose ne’e, simu husi komunidade suco Darlau no nia aldeia lima mak hanesan, 20 de Agostu, Namalai, Lokmetadarlau, Caisabe, no Buburlau.

Liu husi serimónia tomada dé pose ne’e, konselleira partidu hato’o nia agradese ba komunidade suco Darlau ne’ebé fó ona konfiansa ba partidu Centro ASDT hodi halao programa partidu nian ba povu iha teritoriu Timor laran tomak. Iha okaziaun ida ne'e mós Vice presidente CASDT Paulo Valente hateten historia arogansia promete falsu, la lori ita ba futuru, maibe so matenek ho fuan ho domin ho laran mos mak bele lori ita ba futuru, tan ne’e CASDT prontu hametin lao hale'u teritoriu lakoi promete falsu ba povu, tanba ema ne'ebé promete ne’e deve.

Komisáriu politika CASDT mós husu ba povu liuliu joven sira, ita labele sai vitima bebeik, mai ita hamutuk hodi asegura partidu Centro ASDT hodi hetan kofiansa husi juventude, simpatizantes no militantes hodi hetan vitoria iha tinan 2023.

Kordenador suco Darlau Franscisco Alves Pereira husu ba membru sira hotu, liuliu sira nebe hola parte ona iha estrutura CASDT nian tenki servisu maka’as husi nivel baze hodi lori Partidu CASDT ba oin hodi hetan manan iha Eleisaun Parlamentár 2023. Veterano Jose Pedro Martins, husu ba komunidade tomak, lalika tauk no hakfodak, hili partido Centro ASDT, tanba CASDT hamriik laos atu hadau kadeira maibe hakarak hadia dezenvolvimentu nasaun nian.


bottom of page