top of page
Search

Partido Centro ASDT Hakribi Bosok Povu No Sei La Promete Falsu


Estrutura partidu Centro Acção Social-Democráta Timorense (CASDT) munisípiu Baucau, prontu xoke moru atu hodi apoiu partidu CASDT iha eleisaun parlamentár tinan 2023.

BAUCAU - Virgilo Sarmento Freitas nu'udar presidente partido Centro Acção Social-Democráta Timorense (CASDT) munisípiu Baucau, promete prontu ho nia estrutura sira hotu atu servisu maka'as iha munisípiu Baucau, liuliu iha postu admistrativu to’o nivel aldeia, garantia sei lori partidu CASDT ba hatuur iha parlamentu hodi sé tilun no fihir ba povu nia hakilar, tanis mukit, terus no hamlaha, tanba dala wain ona povu fo fiar ona ba parte balun, maibe la valoriza fiar ne’ebe povu fó ho fuan ho laran. Hateten lia hirak ne’e, wainhira kuadru nasional partidu CASDT, hala’o socializasaun iha munisípiu Baucau, postu administrativo Baukau, suku Tirilolo, iha loron Domingo (16/01/2022).

Konselleira CASDT Sra. Aida Maria Osorio Soares hateten "Ita nia partidu ne'e hanoin liu ba oinsa atu lori foin-sa’e sira ba oin, ne'ebé ita subliña ona iha ita nia moto katak "Ita Mak Agora, Ita Mak Futuru". Tanba ne’e husu ba foin-sa'e sira lalika laran taridu apoiu ba ita nia partidu tanba ita iha prinsípiu ida ne'ebé bele hakbi’it no kapasita diak liután foin-sa’e sira nia talentu iha área saida deit ne'ebé iha ba futuru".

Konselleira mos haktuir, partidu Centro ASDT la’os partidu boot maibé partidu ida ne'ebé hakbi’it fila fali partidu ASDT anterior, ne'ebé iha tempu naruk eziste tiha ona nu'udar mos partidu istóriku. Maski partidu ASDT anterior mate tiha ona, partidu CASDT agora hamriik hodi hatuir nafatin istória ASDT nian ba oin nu'udar susesor.

Iha fatin ne'e hotu Komisariu Politika CASDT Sr. Isac Do Rosario, fo agradese ba estrutura munisípiu Baucau tanba ho vontade rasik, hodi halao programa partidu Centro ASDT nian hosi munisípiu to aldeia, tan ne’e ho konfiansa tomak ne'ebe saran ona ba imi, hau garantia elisaun parlamentar iha tinan 2023 sei diferensa boot ho elisaun parlamentar ne'ebe liu ona.

0 comments

Comments


bottom of page