top of page
Search

Joven Sira Laos Deit Armazén Votante Nian Maibé Esperansa Nasaun Timor-Leste

Updated: Feb 4, 2022


Konselleira Aida Osorio Soares hamutuk ho prezidente, vise presidente no estrutura munisípiu Viqueque partidu CASDT.

VIQUEQUE - Ida ne'e sai tema importante ida iha serimónia ne'e, durante fo tomada dé pose estrutura partidu Centro ASDT nian iha munisípiu Viqueque loron domingu 5 Setembru 2021. Ho lema partidu nian, hanesan justisa, unidade no solidariedade, Centro ASDT fiar katak tempu to'o ona atu joven no jerasaun foun sira hamriik hodi la'o ba oin no hadi'a nasaun ne'e. Prezidente Konsellu Konsultivu Centro ASDT Sra. Aida Osorio Soares no estrutura nasionál ne'ebé prezente iha okaziaun ida ne'e mós fó konsellu no reforsu ruma ba jovens no estrutura munisipál Viqueque partidu Centro ASDT nian.

Partidu Centro ASDT fiar katak se karik jovens sira la muda agora, entaun bainhira tan? Agora ne'e la'ós tempu atu hili ema seluk ne'ebé fiar no hakilar kleur ona dehan hanesan jerasaun foun, maibé to'o agora la iha rezultadu no susesu. Tempu ba jovens no jerasaun foun sira atu partisipa sai nu'udar perspetiva foun ida atu rezolve problema país nian no ajuda harii nasaun doben ida ne'e.

Nasionalizmu la'ós de'it atu kanta inu nasionál ka simplesmente hakru'uk no kumpre regra sira, maibé oinsá ita komporta hanesan nasaun ida, ezemplu bainhira hasoru problema sira, hanesan oinsá ita bele ultrapasa pandemia Covid-19 ne'ebé afeta maka'as setór barak maibé maioria ema ki'ik sira, oinsá ita nia estadu, hanesan resposta ba krize ne'ebé ita nia maun-alin no feton sira hetan iha Myanmar. Tanba ne'e, tempu ba jovens sira atu hetan reprezentasaun husi sira nian rasik tanba jerasaun foun sira bele no mós iha dezeju atu harii nasaun ida ne'e. Partidu Centro ASDT sai ona hanesan opsaun ne'ebé klaru tanba partidu ne'e hanesan jerasaun foun no foin-sa'e sira nia lian no sei kaer metin ba prinsípiu sira ne'ebé husik hela husi matebian presidente Centro ASDT saudoso Gil da Costa Alves no Erói hanesan saudoso Fransisco Xavier Do Amaral.

0 comments

Comments


bottom of page