top of page
Search

Centro ASDT Nia Vitória Hanesan Vitória Ida Ba Istória Timor-Leste Nian No Ba Jerasaun Foun

Updated: Feb 4, 2022


Konsellera Aida Maria Osorio Soares ratifika no asina ona estrutura foun munisípiu Manatuto partidu CASDT.

MANATUTO - Partidu Centro ASDT halao serimónia entrega mandatu ba prezidente partidu munisipiu foun no tomada dé pose ba membru foun munisipiu Manatuto iha domingu, 12 Setembru 2021. Membru partidu sira ne'e kompostu husi mane no feto ne'ebe mai husi postu administrativu neen (6).

Koordenadór posto administrativu Soibada Armando Alves, hateten ita nu'udar foin-sa'e tenke serbisu maka'as no hametin malu, atu nune'e partidu bele hetan vitória, tan partidu Centro ASDT nia manán hanesan vitória ba Timor-Leste nia istória no jerasaun foun nian ne'ebé hakarak lori mudansa pozitivu ba ita-nia rai doben Timor-Leste. Atu nune'e luta no mehi husi Saudoso Francisco Xavier dó Amaral no ba matebian Prezidente partidu Saudoso Gil da Costa Alves atu haree nasaun Timor-Leste sa'e husi susar no la'o ba oin hodi hamaran povu ki'ik nia matan-been bele realiza liu husi jerasaun foun.

Koordenadóres sira hotu ne'ebe simu ona tomada dé pose ne'e hateten prontu atu servisu maka'as liutan husi baze to'o munisipiu hodi garantia no lori CASDT hodi hetan vitoria iha elisaun parlamentar ne'ebe sei akontese iha tinan rihun rua nulu resin tolu (2023). #CentroASDT #CASDT #Manatuto #GilAlves #FransiscoXavierDoAmaral

bottom of page